კობა ლევანის ძე ცხაკაია (დ. 30 მარტი, 1964, თბილისი) – ქართველი კინორეჟისორი, დრამატურგი და მსახიობი.

ბიოგრაფია

  კობა ცხაკაია (Koba Tskhakaia / Коба Цхакая) დაიბადა 1964 წლის 30 მარტს.

  მშობლები: დედა – გულიკო ჯიშკარიანი, მამა – ლევან ცხაკაია.

  მეუღლე: ქეთევან ცხაკაია (მხატვარი). შვილები: გიორგი, ლევანი.

  1995 წლიდან არის კინოსტუდია "ქართული ფილმის" დამდგმელი რეჟისორი. ასევე არის თაეტრისა და კინოს სახელმწიფო უნივერსიტეტის ასოცირებული პროფესორი.

  კობა ცხაკაიას პიესები და მოთხრობები იბეჭდება 1997 წლიდან.

განათლება

• 1984-1988 – საქართველოს თეატრალური ინსტიტუტი. კინოსა და თეატრის მსახიობის დიპლომი. (ანზორ ქუთათელაძის, თამაზ მესხისა და რუსუდან ფარემუზაშვილის სახელოსნო).
• 1987-1990 – თბილისის სახელმწიფო უნივერსიტეტი. კინოდრამატურგიის ფაკულტეტი. დრამატურგის დიპლომი. (ვოვა სიხარულიძის და გოგი გვახარიას სახელოსნო).
• 1990 -1995 – გერასიმოვის სახელობის საერთაშორისო კინო ინსტიტუტი . მხატვრული კინოსა და ტელევიზიის რეჟისორის დიპლომა (ვლადიმერ ნაუმოვის სახელოსნო).
• 1995 – ხელოვნების მაგისტრის დიპლომი. (მოსკოვი)
• 1996-1997 – ვენის (ავსტრია) უნივერსიტეტი. ხელოვნებათმცოდნეობის ფაკულტეტი.

პროფესიული მოღვაწეობა

• 1986-90 - რუსთავის სახელმწიფო თეატრი. მსახიობი.
• 1991-93 - "მოსფილმი". რეჟ. ასისტენტი, ვ. ვ. ნაუმოვის ფილმებზე.
• 1993 - "კრიმინალური რუსეთი" თანაცენარისტი და თანარეჟისორი(ბინების საბჭოთა-გასტროლიორი ქურდები) HTV.
• 1995-2005 - სახელმწიფო ტექნიკურ უნივერსიტეტი, ჰუმანიტარული ინსტიტუტი, რეჟისურის ფაკულტეტი, სარეჟისორო სახელოსნოს ხელმძღვანელი.
• 1997–98 - ქვემო ქართლის სატელევიზიოკომპანიის კოორდინატორი.
• 2001 - "წითელი სტრეპტოციდი" (რეჟისორი ვასილი ჩიგინსკი) – ითამაშა ერთ–ერთი როლი.

წიგნები

• "ალბატროსების ჯოგი" (მოთხრობები, პიესები), გამომცემლობა "საარი", 2000
• "ზონაში", თანაავტორი: იოსებ მჭედლიშვილი, გამომცემლობა "საარი", 2005 წ.
• "ფერები და შიმშილი", გამომცემლობა "საარი", 2003 წ. 
• "ბაღდადელი ქურდები" (რომანი) (თანაავტორი იოსებ მჭედლიშვილი) – 2004
• "გადააბიჯეთ მკვდრებს გაბედულად" (რომანი) – 2006

რეჟისორული ნამუშევრები

• "ანარეკლი", 10 წთ. დოკ–კ/ფ. კინოსტუდია "ქართული ფილმი" და VGIK მოსკოვი – 1992
• "პილიგრიმი", 56 წთ. კ/ფ. კინოსტუდია "ქართული ფილმი", შემოქმედებითი გაერთიანება "მუზა" და VGIK მოსკოვი – 1993
• "თამადა, ანუ სამყარო სუფრის გარშემო", 26 წთ. დოკ–ტ/ფ. "IMA –ფილმ" საფრანგეთი – 1994
• "მეომარნი ქრისტესანი", 18 წთ. ტ/ფ. დოკ–ტ/ფ. VGIK მოსკოვი – 1995
• "შატალო" (საბავშვო ტელესერიალი), 13 სერია. ტ/ფ. ქვემო ქართლის სატელევიზიო კომპანია – 1997
• "საშობაო ზღაპარი" მხატვრული ვიდეო-ფილმი, 26 წუთი. ქვემო ქართლის სატელევიზიო კომპანია და TV-4 თბილისი – 1999
• "წვრილვარსკვლავთა ღამე", 45 სერია. (სცენარის თანაავტორები: ალექსანდრე (დათო) ქოქრაშვილი, მიხო მოსულიშვილი, ანდრო ენუქიძე, იოსებ მჭედლიშვილი და თანარეჟისორი: ანდრო ენუქიძე. 1 არხი - 1999-2000
• "ოპერები" (ტელესერიალი), 3 სერია. დამდგმელი რეჟისორი და სცენარის თანაავტორი - 2002
• "პროვინციული ჩანახატები" (დოკუმენტური ვიდეო-ფილმების ციკლი), 12 ფილმი, რეჟისორი და სცენარის ავტორი. (ტელეკომპანია "მზე") - 2003
• „ლექსად თქმული ქადაგებები" (დოკუმენტური) – 2009