მიხეილ სალტიკოვ-შჩედრინი (რუს. Михаил Евграфович Салтыков-Щедрин, დ. 27 იანვარი, 1826, ტვერის გუბერნია – გ. 10 მაისი, 1889, სანკტ-პეტერბურგი) (ნამდვილი გვარი სალტიკოვი, ფსევდონიმი შჩედრინი)– რუსი სატირიკოსი მწერალი. მის შემოქმედებაში ცენტრალური ადგილი უკავია თვითმპყრობელობისა და ბატონყმობის მანკიერ მხარეების სარკაზმულ ასახვას. მისი საუკეთესო ნაწარმოებებია ერთი ქალაქის ისტორია და რომანი „ბატონი გალოვლიოვები“. დიდი მხატვრული ღირებულება აქვს სალტიკოვ–შჩედრინის ზღაპრებსაც, რომელშიც ალეგორიული ფორმით არის ასახული მწერლის თანამედროვე რუსეთის სინამდვილე.