ეზო ჭეიშვილი (* 24 აპრილი, 1933, ქუთაისი, საქართველო), ქართველი მწერალი, დრამატურგი. რუსთაველის პრემიის ლაურეატი . 

ბიოგრაფია

  რევაზ (რეზო) ბენედიქტეს-ძე ჭეიშვილი დაიბადა ქალაქ ქუთაისში (საქართველოს რესპუბლიკა) 1933 წლის 24 აპრილს.

  დაამთავრა ქუთაისის ვაჟთა მერვე (VIII) საშუალო სკოლა 1952 წელს.

  1954 წელს ჩაირიცხა თბილისის სახელმწიფო უნივერსიტეტის ფილოლოგიის (ქართული ენა ლიტერატურა) ფაკულტეტზე, რომელიც დაასრულა 1958 წელს.

  ჰყავს ორი ვაჟი, სამი შვილიშვილი, შვილები: მამუკა, გუბაზი, შვილიშვილები: რეზო, ნანა, ქეთი, რძალი მაია მუსერიძე, მეუღლე სოფიო ჩოხელი გარდაიცვალა 1991 წელს.

  1997 წლიდან ცხოვრობს მარინა ვერულაშვილთან, მეუღლესთან და მეგობართან ერთად.

  სტუდენტობისას უნივერსიტეტის ალმანახ «პირველ სხივში» და ახალგაზრდულ ჟურნალ «ცისკარში» გამოაქვეყნა პირველი მოთხრობები.

პროფესიული გამოცდილება

  1961 წლის ჩათვლით, ვიდრე 1992 წლამდე, მუშაობდა კინოსტუდია «ქართულ-ფილმში» რედაქტორად, სასცენარო კოლეგიის წევრად, შემოქმედებითი გაერთიანების წევრად და ერთ-ერთ ხელმძღვანელად, პარალელურად მოღვაწეობდა ჟურნალებში "ცისკარი", "საუნჯე".

  1987 წლის იანვარში გაამწესეს ალმანახ «განთიადის» მთავარ რედაქტორად მშობლიურ ქალაქ ქუთაისში . მისი მეცადინეობით ალმანახი (ამას კრემლის ნებართვა სჭირდებოდა) გადაკეთდა ჟურნალად და განთიადი რევოლუციური კატაკლიზმების (1988 წლის 9 აპრილი, 1991-93 და მომდევნო წლები) დაწყებამდე გამოდიოდა რეგულარულად, სოლიდური მოცულობითა და დიდი ტირაჟით.

თავმჯდომარეობდა რუსთაველის საზოგადოებას, იმ წლებშივე (1987-1992) დააარსა საზოგადოებრივ-პუბლიცისტური გაზეთი «მოწამეთა», შემდგომში ილუსტრირებული ჟურნალი «მწვანეყვავილა». უსახსრობის გამო ლიტერატურულ-საზოგადოებრივი ზემოთ ნახსენები ორივე ორგანო დაიხურა.

  1992 წელს საქართველოს მწერალთა ყრილობაზე არჩეულ იქნა მწერალთა კავშირის მდივნად, თავმჯდომარის პირველ მოადგილედ, 2000 წლიდან საქართველოს მწერალთა ლიტერატურული ფონდის თავმჯდომარეა, სადაც მსახურობს დღემდე.

1997-98 წლის ორ სეზონს, როგორც დირექტორი და სამხატვრო ხელმძღვანელი უძღვებოდა ლადო მესხისვილის სახელობის ქუთაისის აკადემიურ თეატრს.

არჩეულ იყო მესამე მოწვევის (1992-1995) წწ) პარლამენტის დეპუტატად.

გამოცემული წიგნები

• ვაიმე, ჩემო ვენახო : მოთხრობები - თბ. : მერანი, 1987
• პირველი : [მოთხრობები] - თბ. : საბჭ. საქართველო, 1988
• თხზულებანი : 2 ტომად - თბ. : საბჭ. საქართველო, 1989
• ჩემი მეგობარი ნოდარი! : [მოთხრობა] - თბ. : ნაკადული, 1990
• რკინის სახკომი : [სერგო ორჯონიკიძე / რედ.: მანანა ასათიანი] - თბ. : მერანი, 1992
• დალი : რომანი - თბ. : მერანი, 1992
• ყაჩაღები : რომანი / [რედ.: ელგუჯა თავბერიძე, თემურ ამყოლაძე] - [I-ლი გამოც.] - ქუთაისი : მოწამეთა, 1995
• კუდიანი ვარსკვლავი : [რომანი]; ნოველები; ყაჩაღები : [რომანი / რედ.: ლია შარვაშიძე ; მხატვ.: სპარტაკ ცინცაძე] - თბ. : მერანი, 1999
• სამი რომანი / [რედ.: თემურ ამყოლაძე ; მხატვ.: გიორგი წერეთელი] - ქუთაისი : საგამომც. ცენტრი, 2003
• წიფობისთვე / [რედ.: თემურ ამყოლაძე ; მხატვ.: გიორგი წერეთელი] - ქუთაისი : საგამომც. ცენტრი, 2003
• რჩეული ნოველები / [რედ.: ელგუჯა თავბერიძე ; მხატვ.: გიორგი წერეთელი] - ქუთაისი : საგამომც. ცენტრი, 2003
• მესამე გზა : ქუთაისის შესახებ და სხვაც : (გიორგობიდან გიორგობამდე) / [რედ.: ელგუჯა თავბერიძე] - ქუთაისი : საგამომც. ცენტრი, 2005
• "ცისფერი მთები" : [მოთხრობები / მხატვ.: ვახტანგ რურუა] - თბ. : ლაშარელა, 2006

გამოქვეყნებული აქვს მხატვრული წიგნები (ტომეულები, კრებულები და სხვა) მრავალათასიანი (60000) ტირაჟებით, ცხადია, ქართულად, რუსულად და უცხო ენებზედაც მცირედად). მისი სცენარების მიხედვით გადაღებულია კინოსურათები.

მინიჭებული პრემიები

ერთ-ერთ მათგანს, "ცისფერ მთებს" 1984 წელს მიენიჭა (სცენარისტს, დამდგმელ რეჟისორს, ოპერატორს და სხვა) საპჭოთა კავშირის სახელმწიფო პრემია;

მიღებული აქვს რამოდენიმე გამორჩეული ნაწარმოებისა და მთელი შემოქმედებისათვის რესპუბლიკის უმაღლესი ჯილდო შოთა რუსთაველის სახელობის სახელმწიფო პრემია.

აგრეთვე საქართველოს სახელმწიფო პრემია

და სხვა ნაკლებ მნიშვნელოვანი, თუმც ფრიად საპატიო ჯილდოები.